hehe, saga um mig á frönsku hérna!

ahh, var að vakna! fór nebbla bara í fyrsta tíma í morgun og sá að 2 kennarar hjá mér voru veikir! þannig að ég skrópaði í einum tíma og fór heim og lagði mig... Reyndar ætlaði ég að leggja mig lengur en Fannar vakti mig til að segja að allt væri klappað og klárt fyrir bústaðinn. Ég hringdi því í gaurinn sem sér um bústaðina og staðfesti að við kæmum á föstudaginn! fékk nú hálfgert samviskubit þegar gaurinn var að spurja hvort það yrði nokkuð fyllerí á okkur, og sagði svo orðrétt; "neinei, ég treysti þér nú Sindri". Fokk, ég hefði átt að nota dulnefni.

Ennþá enginn búinn að hringja úr vinnunni og biðja mig um að koma að vinna... undarlegt, af því að síðustu fjóra daga hef ég þurft að koma og vinna fyrir einhvern! Tvö ný samt byrjuð að vinna. Svoldið fyndið að þau hafa bæði verið í Djúpu lauginni... stelpan er OK af því hún er ágætlega flott, en strákurinn er hræðilegur! rauðhært bossí gerpi sem ég hata!

ný könnun komin ef þið vissuð það ekki...

ljóti djöfull! var að sjá prófatöbbluna og hún lýtur illa út! jarðfræði og spænska sama daginn, danska daginn eftir, og loks efnafræði á þriðja deginum! hreinasta helvíti! væri sosum allt í lagi ef ég hefði einhvern tímann opnað jarðfræðibókina eða einhvern tímann lært heima í dönsku eða spænsku, en svo er ekki...

Ég er farinn að efast um þessa bústaðaferð, bústaðurinn er nebbla frekar langt frá Akureyri... það væri örugglega mjög gaman að fara bara með rútunni og svona! en maður sér til bara...

Var að pæla hvað ég ætti að gera þegar ég væri búinn með framhaldsskóla... held ég taki hann á þremur og hálfu og vinni svo í hálft ár. Svo fer ég örugglega í háskóla Íslands að læra eikkað gaman, verkfræði eða lögfræði eða eikkað svoleiðis. Sumarið eftir fyrstu annirnar mínar í háskóla ætla ég að finna mér eiginkonu og kemur Katrín þar sterklega til greina. Nú kann einhver að spurja; "Katrín? þessi ofbeldisfulla með pítsadeigið?", en ég held að hún gæti orðið mjög góð eiginkona! en ég reikna að vísu með því að hún kunni að elda og muni alltaf leyfa mér að horfa á boltann í sjónvarpinu þegar ég vill! Svo þegar við erum orðin fertug feit og rík, flytjum við til Ástralíu með börnin okkar tvö, og búum á einkaströnd með góðu brimi þar sem ég get verið á bretti þegar mér hentar!

úff, ég er með hjúds marblett á mjöðminni! ég var nebbla í heimsókn hjá litla frænda mínum, og hann stóð í þeirri trú að hann væri geitapabbi... og eins og góðri geit sæmir, var hann sífellt að stanga út í loftið með einhverja trommukjuða á hausnum. Og honum tókst að láta mig fá marblett, sem er vel gert því krakkinn er þriggja ára! Þetta er uppáhalds frændinn minn og hann er mikill snillingu, en því miður er hann að fara að flytja til Flórída núna í vor. En djöfull ætla ég að kíkja á hann næsta vetur eða eikkað!

Sá sem getur sagt mér hvernig maður setur myndir inn á bloggið sitt (og ekki eikkað að linka á síðu með myndum) fær kók og prins póló!
Hvað er málið með að sniðganga bandarískar vörur? fyrst að það þýðir að maður megi ekki drekka kók, þá finnst mér þetta hræðileg hugmynd! Já, ég er með stríði við Írak, ég sé ekki aðra leið til að koma Saddam frá völdum en það finnst mér að verði að gera! árásin er vel skipulögð með það í huga að sem fæstir láti lífið, enda markmiðið að laga lífsaðstæður Íraka til muna. Þó finnst mér illa að málum staðið hér á Íslandi, og með öllu fáránlegt að Ísland skuli vera á þessum margumtalaða lista (yfir stuðningslönd við árásina) þegar 90% þjóðarinnar eru á móti stríðinu. Líka fáránlegt hvernig utanríkisráðherrann er að höndla þetta og svona!